Policia e Vlorës procedon penalisht tre shtetas për fshehje e të ardhurave dhe falsifikim të dokumentave. Procedohen administratori i firmës dhe dy shoferët transportues. Po ashtu janë sekuestruar nga policia dy automjete tip kamion.
Specialistët e Seksionit të Hetimit të Krimit Ekonomik e Financiar në vijimësi të punës së tyre për vënien para përgjegjësisë ligjore shtetasit të cilët kryejnë vepra penale në fushën e krimit ekonimik dhe financiar, kanë proceduar penalisht tre shtetas për fshehje e të ardhurave dhe falsifikim të dokumentave, konkretisht shtetasit :
E.D., 38 vjeç, banues në Lushnje (me funksion administrator i firmës).
G.I., 58 vjeç, banues në Lushnje (me funksion shofer transportues i firmës).
K.P., 62 vjeç, banues në Lushnje (me funksion shofer transportues i firmës).
Ndaj shtetasve të lartëpërmendur ka filluar procedimi penal pasi më datë 28.09.2017, janë konstatuar nga shërbimet e policisë në hyrje të fshatit Selenicë, ku edhe kryejnë aktivitetin e firmës së tyre si transportues të lëndës ranore në këtë fshat duke transportuar lëndë ranore jo në masën e përcaktuar në faturat tatimore përkatëse.
Shtetasi G.I. dhe K.P., të dy me funksion shofer të firmës, janë konstatuar nga policia duke transportuar lëndën ranore bitiuminoze me dy automjete tip kamion, të cilat gjatë kontrollit të faturave shoqëruese tatimore kanë rezultuar të falsifikuara pasi nga peshimi i automjeteve ka rezultuar se kishte një diferncë prej 10 dhe 17 ton. Materialet janë referuar në Prokurori për veprën penale ”Fshehja e të ardhurave dhe Falsifikimi i dokumentave”, parashikuar nga neni 180 dhe 186 të Kodit Penal.
(E.K/SHUPLAKA)
Discussion about this post