Një kamion brenda të cilit po transportoheshin barna mjekësore kontrabandë është ndaluar nga policia në kufirin midis Maqedonisë së Veriut dhe Serbisë gjatë pasditës së sotme ku drejtues i tij është një shtetas shqiptar.
Burime për Faxweb.al bëjnë me dije se bëhet fjalë për Erand Shala i cili po transportonte ilaçe kontrabandë me kamion por nuk bëhet i ditur lloji i tyre, sasia dhe destinacioni që kishin.
Personi në fjalë është ndaluar edhe me datën 06 maj të vitit 2017 nga Policia e Tiranës ku pas kontrollit në banesën e tij, i janë gjetur një sasi e konsiderueshme e mallrave kontrabanë.
Ai u arrestua me akuzën: “Tregëtimi dhe trasportimi i mallrave që janë kontrabandë, falsifikimi i vulave, i stampave ose i formularëve, fshehje të ardhurave, krijim të skemave mashtruese lidhur me tatimin mbi vlerën e shtuar”.
Erand Shala në atë kohë, kishte marë një NIPT si shëtitës, me qëllim shmangien e tatimit mbi vlerën e shtuar, për produktet të cilat i importonte nga Kina.
Pas kontrollit të ushtruar në banesën e tij në maj të 2017-ës, I janë gjetur edhe sekuestruar në cilësinë e provës materiale:
3 vula të dyshuara të falcifikuara me specifikimet “rubineteria das”, “sanitari Tirana” dhe “Trans – Speed SHPK International Transport”.
692 kg letra të lagura me logo të ndyshme
23 600 prerëse për thonjtë 21 400 termometra trupi
4 320 termometra ambienti
1 200 matësa tensioni
9 000 erashka plastike dhe druri
30 000 karfica
36 000 shishe me biberon për fëmijë
7 000 kuti me domino
1 235 shishe
180 ml me ilaç për mushkonja.
(F.GJ/FAXWEB.AL)
