Policia e Durrësit ka sekuestruar rreth 200 kilogramë kannabis këtë pasdite, në terminalin e portit të Durrësit.
Kjo sasi droge ishte fshehur në tabanin e një transportuesi makinash (karrotrec) dhe dyshohet se kishte si destinacion Italinë. Automjeti do të imbarkohej në tragetin e linjës Durrës-Ankona.
Forcat policore kanë arrestuar drejtuesin e mjetit 58- vjeçar, dhe po punojnë për të zbardhur detajet e tjera të ngjarjes.
