”Trap! Trap! Dhe vetëm trap!”, Berisha ia thotë Ramës ”live” në Kuvend

Ka nisur me tensione të shumta seanca e sotme plenare, teksa deputetët e opozitës  kanë bllokuar për disa minuta rresht foltoren e Kuvendit.

Ndërsa Flamur Noka dhe Ervin Salianji janë përjashtuar nga seanca në Kuvend, ish-kryeministri Sali Berisha si pak herë ka dalë me një video-selfie live në ‘’Facebook”.

Në fjalën e tij të shkurtër, Berisha u tregua edhe më i ashpër se Lulzim Basha.

“Nxirre jashtë njeriun që meriton sot të thirret nga të gjithë shqiptarët. Trap! Trap! Dhe vetëm trap! O rrugaç dil jashtë! Jashtë nga Parlamenti”, tha ai ndër të tjera.

Berisha i bën thirrje Gramoz Ruçit që të përjashtojë Ramën nga seanca, ndryshe nuk do të ketë asnjë minutë disktuime në seancë.

‘’Gramoz nxirre jashtë që të vendoset ekuilibri këtu, hapeni facebook-un tim që të komunikojmë me popullin”, shprehet ish-kryeministri.

Prej disa minuta mediat janë nxjerrë jashtë sallës. (E.K/FAXWEB.AL)