Janë plot tre 18-ta që shenjojnë zhvillimet politike në vend ndërkohë që ende nuk janë bërë gjashtë muaj të këtij viti. Një 2017 që huazoi nga 2016-ta plot përplasje mes partive politike, akuza nga më të ndryshmet në seancat plenare, e deri kur më 5 dhjetor Nishani dekretoi 18 qershorin datë të zgjedhjeve.
Më pas, në Shkurt, Partia Demokratike ndërmori hapin e madh duke shenjuar të 18-tën e dytë, 18 shkurtin. PD nisi më 18 shkurt protestën masive të opozitës e cila pasi mblodhi me mijëra qytetarë në Bulevardin “Dëshmorët e Kombit”, u ndoq nga ngritja e çadrës së opozitës.
Kundër mbajtjes së zgjedhjeve më 18 qershor, kundër qeverisë në pushtet, duke bërë thirrje për ndalimin e drogës dhe krimit, kundër të inkriminuarve në parlament, PD u shpreh se vetëm qeveria teknike ishte zgjidhja. Deri në orët e vona të 17 majit, demokratët të mbështetur nga të tjerë opozitare i qëndruan besnikë bojkotit të zgjedhjeve parlamentare të përcaktuara për t’u mbajtur më 18 qershor.
Ky vendim deri sot pas mesnate, deri më 18 maj. Një takim i nisur darkën e 17 majit, që zgjati plot tre orë, për të përfunduar pas mesnate, kur kryeministri Edi Rama dhe kryedemokrati Lulzim Basha dolën rreth orës 01:00 pas mesnate e në një deklaratë për mediat komunikuan arritjen e marrëveshjes duke zgjedhur të mos jepnin detaje, por duke mos kursyer një shtrëngim duarsh.
Plot tre 18-ta, ndërkohë që të tjera zhvillime të tjera pritet të ndodhin para dhe pas të nxehtit të 16 korrikut (nëse kjo do të jetë data përfundimtare e mbajtjes së zgjedhjeve të përgjithshme parlamentare).
(XH.A/SHUPLAKA)
Discussion about this post