Tre ditë pas takimit me kreun e PD-së, Lulzim Bashën, gazetari dhe analisti i njohur Andi Bejtja zbulon arsyet se pse e ka përkrahur protestën e opozitës.
Sipas Bejtjas, rreziku për devijim të votës për shkak të parave të pista që qarkullojnë prej kanabisit është real. Por gjithashtu edhe sepse kjo protestë deri më tani ka qenë paqësore dhe nuk ka shënuar incidente të pakëndshme.
“NEQOFTESE E KAM PERKRAHUR KETE PROTESTE…. E kam perkrahur kete proteste ne radhe te pare sepse besoj me te vertete qe devijimi votes per shkak te parave te pista te kanabisit eshte rrezik real. E kam perkrahur se dyti, mund te them dhe se pari, sepse ishte paqesore dhe nuk kishte asgje te ngjashme me dhunen e 21 janarit. Sapo te filloj te behet e ngjashme me te kjo proteste nuk eshte me kauza ime. Kete e ndjej detyre qytetare ta them me ze te larte.”, reagon Bejtja.
Vetëm pak ditë më parë, Lulzim Basha është takuar me gazetarët, Blendi Fevziu, Andi Bushati, Armand Shkullaku, Nikoll Lesi dhe Baton Haxhiu, në ambientet e hotel “Rogner”. Ndërsa menjëherë pas këtij takimi, ai është takuar më vete edhe me Bejtjan. (D.D/Shuplaka)
Discussion about this post