Tre operacione janë ndërmarrë sot në detin Egje, ku janë evidentuar 3 gomone. Mësohet se pjesë e operacionit ka qenë anija shqiptare ‘Oriku’, ndërsa gomonet po lundronin në ujërat greke dhe turke.
Raportohet se operacioni për mjetin e lundrimit të parë, brenda të cilit kishte 50 klandestinë, irakenë, iranianë dhe afganë, u krye nga anija shqiptare.
Ndërkohë, pjesë e aksionit të dytë ishte anija ‘Frontex’, në të cilën kishte 53 persona, nga të cilët 16 fëmijë dhe 13 gra.
Kanë qenë të shumta rastet kur anije shqiptare janë përfshirë në operacione të tilla, dhe pavarësisht kontrolleve numri i emigrantëve që synojnë Europën është vërtet shumë i lartë.
(E.K/SHUPLAKA)
