Tre mënyrat sesi rrjetet sociale rrezikojnë lumturinë tuaj

Rrjetet sociale ju bëjnë më të lumtur apo më të palumtur? E gjitha varet se si ju përdorni atë.

Rrjetet sociale në një formë apo një tjetër janë bërë pjesë e jetës sonë, por ekziston një debat i madh mes kritikëve të cilët ndahen në dy grupe: Disa shohin të mirën tek to pasi arrijnë të na bashkojë me miliona njerëz, në distanca të largëta dhe në kohë reale; Ndërsa disa të tjerë shohin anën negative, se sa keq na bëjnë ato të ndihemi. Portali online “Your Tango” rendit disa mënyra se si njerëzit i përdorin rrjetet sociale, por që mund të ndikojnë seriozisht në lumturinë tuaj.

Tre mënyra të përdorimit të rrjeteve sociale, të cilat ndikojnë në lumturinë tuaj:

Krahasimi dhe kontrasti: Vazhdimisht skanoni profilet e njerëzve të tjerë për të parë se si jeta juaj ka avancuar, por kjo më shumë do t’u lërë me një ndjenjë boshllëku. Lindjen e fëmijëve do ta shihni si dështim, ose marrëdhënia juaj do të duket shumë më e palakmueshme. Pse? Mendoni se dikush do shfaqte imazhe negative për veten. Nuk do e bënte njeri, apo jo?! Nëse ju e krahasoni veten me të tjerët do të jetë një veprim katastrofal për ju dhe vetëvlerësimin tuaj.

Nëse ju jeni ndjeheni të pasigurt ose të pakënaqur për veten apo ndonjë fushë të jetës tuaj, mos u fokusoni në rrjetet sociale, pasi imazhet që ata paraqesin janë thjesht të fabrikuara.

 Klubi i të urryerve: Është kaq e lehtë për të gjykuar dhe kritikuar online, apo jo? Njerëzit zakonisht vetëm mburren dhe vazhdimisht ndajnë me ju informacione rreth vetes së tyre. I fshehur pas ekranit të smartfonit tuaj, ju mund të qeshni me buzëqeshjet e tyre të shtirura, me pozicionet e tyre politike, me gramatikën e përdorur apo shenjat e pikësimit. Por a do të të bëjnë të ndihesh më mirë me veten? Jo? Të qenit anonimë në Facebook, instagram apo tëitter vetëm për të kritikuar të tjerët, jo vetëm që nuk do ju bëjë juve të ndiheni më mirë me veten, por do ju shkatërrojë emocionalisht.

Kërkoni për “rreze dielli”: Ka shumë njerëz që postojnë artikuj interesantë dhe me përmbajtje imponues. I përdorin rrjetet sociale për të mësuar, për të menduar, t’u rriter dhe për t’u lidhur me njerëzit. Rrjetet sociale mund të jetë një burim i madh për oferta pune apo pozicione vullnetare. Mund të përdoren për të mbështetur njëri-tjetrin në përpjekjet e jetës. Ose, të paktën, në një ditë të vështirë. Rrjetet sociale janë të mira për të ndarë me të tjerët mesazhe qesharake dhe video me kotele. Por, sërish nuk do ju bëjnë më të lumtur. Sepse lumturinë nuk mund ta gjeni brenda smartfonit tuaj. Mund t’ju bëjë të ndiheni më mirë vetëm nëse ju arrini ta kontrolloni kohën që shpenzoni në to. Por nëse jeni aktualisht të trishtuar, të pasigurt, mediat sociale nuk janë vendi i duhur për të kërkuar atë “rreze dielli” që mungon në jetën tuaj dhe që ju e kërkoni aq shumë.

Pra, shpenzojeni  me mençuri dhe me kujdes kohën tuaj në internet, lumturia juaj mund të varet nga kjo.