Policia ka ndaluar tre punonjës të TEC-it në Fier, nën akuzën për “shpërdorim detyre”.
Gjatë zhvillimit të operacionit të quajtur “TECI”, policia ka arrestuar tre persona ndërsa dy të tjerë janë shpallur në kërkim.
Të arrestuarit janë: Flamur Fejzullah, 49- vjeç, përgjegjës i TEC-it; Artem Rusto 43 vjeç, është ish- magazienier pranë TEC-it; dhe Qemal Vrenozi, 41 vjeç, ish-drejtor pranë TEC-it.
Këto persona akuzohen se i kanë shkaktuar shtetit dëme prej 209 milionë lekësh, pasi gjatë vitit 2012-22013 ata kanë favorizuar ankande për firmën e T.B.
Për të arrestuarit, Gjykata e Rrethit Gjyqësor Fier ka caktuar masën e sigurisë “Arrest me burg”, ndërsa për ish- drejtorin Vrenozi” ka caktuar masën e sigurisë “arrest shtëpie”.
