Një konflikt me armë zjarri ka ndodhur në Xibër të Klosit në Dibër, ku një person ka vrarë vëllain dhe babain, më pas edhe veten.
Burimet bëjnë me dije se 3 persona kanë gjetur vdekjen në një konflikt për çështje pronesie mes 2 vëllezërve, ku ka ndërhyrë dhe babai i tyre për të shuar grindjen, i cili ka gjetur vdekjen nga plumbat e të birit.
Deri më tani behet e ditur se viktimat janë Kujtim Dakuci, Flogert Dakuci dhe Sali Dakuci.
Konflikti me armë mes vëllezërve Sali dhe Kujtim Dakucit ka nisur për një pronë, ndërsa babai i tyre, Liman Dakuci ka ndërhyrë për të shuar grindjen. Sali Dakuci ka qëlluar në drejtim të vëllait të tij, por plumbat kanë prekur dhe babain duke lënë 2 viktima në oborrin e familjes Dakuci.
Pasi ka parë të atin dhe vëllanë të shtrirë pa jetë, autori i vrasjes së dyfishtë i ka drejtuar armën vetes duke marrë dhe jetën e tij.
Fillimisht u raportua për një vrasje të trefishtë ku vëllai kishte qëlluar për vdekje të vëllanë dhe nipin e tij, dhe më pas kishte vrarë dhe veten pas tronditjes së fortë.
Ndërkohë burimet për faxweb.al bëjnë me dije se në fakt 3 viktimat e ngjarjes tragjike janë babai i familjes Dakuci me dy djemtë e tij.
