Prokuroria e Krimeve të Rënda ka thirrur tre zyrtërtë e PD-së Enkelejd Alibeajn, Ervin Salianjin dhe Gazment Bardhin për të dëshmuar në Prokurori në lidhje me audiopërgjimin e publikuar për vëllain e Fatmir Xhafajt, Agron Xhafaj.
Kjo thirrje vjen pak orë pasi kryeministri i vendit Edi Rama e cilësoi jo autentik video-përgjimin e publikuar nga PD dhe kërkoi të shkonin në burg ata që e nxorën.
Por çfarw tha kryeministri sot në mbledhjen e grupit parlamentar të PS?
“Kjo audio është shpërndarë në çdo adresë e-maili qeveritarësh e parlamentarësh. Këtë e kanë bërë që të baltosin vendin. E kanë dërguar si Breaking News. A mund të më thoni se kush mund t’ja bëjë këtë vendit të vet. Askush nuk e ka bërë asnjë vend që ka pasur 1001 probleme, që ka qenë në proces negociatash me BE-në.(…) E përsëris kërkesën e Ballës që i ka bërë Prokurorisë. Në këtë sfidë, Prokuroria dhe Gjykata duhet t’i japin provën e të vërtetës. Ose të provojnë shkencërisht autenticitetin e audio-përgjimit, ose pastaj të pranojnë se s’ka asgjë nga ato që thotë opozita. Kush e organizoi këtë lojë të neveritshme për të çoroditur dynjanë, përmes një mashtrimi të tillë dhe për të goditur Shqipërinë, duhet të paguajë për këtë lloj mashtrimi, që përcakton dënimin me burg“, theksoi Rama.
Prokuroria ka kërkuar që Alibeaj, Salianji dhe Bardhi të paraqiten nesër në orën 10:30 për të dhënë sqarime në lidhje me autencitetin e video-përgjimit. (B.H/Faxweb)
Discussion about this post