Një person është vënë në pranga dhe ndaj një tjetri ka nisur procedimi penal në kuadër të operacionit të koduar “Mix” pas marrjes së informacioneve në rrugë operative.
U arrestua Alban Gjylbegaj 45 vjeç dhe nisi procedimi penal ndaj B. Gj. 43 vjeç, pasi iu gjetën dhe sekuestruan përkatësisht 171 steka dhe 10 steka cigaresh pa pullë fiskale.
Detaje të Policisë së Shkodrës:
Finalizohet me sukses operacioni i koduar “MIX”. Arrestohet në flagrancë një shtetas, dhe procedohet në gjendje të lirë një tjetër.
Nga shërbimet e Seksionit Kundër Krimit Ekonomiko-Financiarë më datë 20.06.2017, në kuadër të informacioneve të marra në rrugë operative u finalizua me sukses operacioni “MIX”, ku u bë e mundur arrestimi në flagrance i shtetasit:
Alban Gjylbegaj, 45 vjeç, banues në lagjen “Kongresi Permetit” Shkodër.
Si dhe procedohet në gjendje të lirë shtetasi:
- Gj. 43 vjeç, banues ne L. Kongresi Permetit, Shkodër
Për këtë rast në lagjen Kongresi Permetit, në dyqanin e shtetasit Alban Gjylbegaj iu gjetën dhe u sekuestruan ne cilësinë e provës materiale 171 steka cigaresh të markave të ndryshme, me mbishkrim në gjuhën angleze, pa pullën fiskale.
Gjithashtu shtetasit B. Gj në dyqanin e tij iu gjetën dhe u sekuestruan ne cilësinë e provës materiale 10 steka cigare të markave të ndryshme, pa pullën fiskale. Materialet iu referuan ne Prokurorinë e Rrethit Gjyqësor Shkodër për veprën penale “Tregtimi dhe transportimi i mallrave që janë kontrabandë” e parashikuar nga neni 178/2 i Kodit Penal.
(XH.A/SHUPLAKA)
Discussion about this post