Policia e Skraparit ka arrestuar dy persona të cilët u kapën duke transportuar pllaka guri dekorativ, të nxjerra në mënyrë të paligjëshme në malin e Tomorrit.
Bëhet me dije se personat e ndaluar janë shtetasit me iniciale S.Q., 60-vjeç, banues në Tiranë dhe A.M., 36-vjeç banues në Poliçan.
Arrestimi i tyre u bë në kuadrin e parandalimit të aktiviteteve të paligjshme të prodhimit të gurit pllakator, dekorativ në territorin e Parkut Kombëtar të Tomorrit.
Njoftimi i Policisë:
Në vijim të punës për parandalimin e aktivitetit të paligjshëm të prodhimit të gurit pllakator, dekorativ në territorin e Parkut Kombëtar të Tomorrit, Seksioni për Krimet në Komisariatin e Policisë Skrapar referoi materialet në Prokurorinë e Rrethit Gjyqësor Berat për shtetasit:
S.Q, 60 vjeç, banues në Tiranë.
A.M, 36 vjeç, banues në Poliçan.
Këta shtetas u kapën nga shërbimet e policisë duke transportuar pllaka guri dekorativ, të nxjerra në mënyrë të paligjëshme në malin e Tomorrit.
Materialet i kaluan Prokurorisë së Rrethit Gjyqësor Berat për veprën penale ‘’Shkatërrimi pronës’’, parashikuar nga neni 150 i Kodit Penal.
(F.GJ/FAXWEB.AL)
Discussion about this post