Kryetarja e Bashkisë Shkodër Voltana Ademi në një intervistë përmes skype për emisionin ‘Real Story’ foli për përplasjen që ka pasur me ministrin e Brendshëm Sandër Lleshaj sa i përket Tregut ‘Zdrale’ në Shkodër.
Në kuadër të masave ndaj koonavirusit ajo tha se nuk i takon bashkisë që të mbyllë atë treg, por në kushtet e emergjencës që ndodhet vendi, vendimin e merr komisioni i Emergjencës civile. Kujtojmë se Shkodra është një ndër qarqet më të prekura nga koronavirusi.
Deklarata e plotë
“Detyra jonë nuk është që të dezinfektojmë disa vende që nuk janë në varësi tonën. Unë e kam bërë që të jemi të qartë. Nuk është çështje politike që të merret me çështje shëndetësore. Ne jemi bashkia e parë në Shqipëri që kem i bërë dezinfektimin e rrugëve, ndërtesave, urgjencave, markete, shtëpi. E bëjmë çdo ditë. Jemi një avantazh. Duke qenë se kemi emergjencat civile, jemi në avantazh. Ne kemi operuar menjëherë. S’bëhet fjalë për masa minimaliste.
Për ne ka qenë e mundshme. Vendimmarrjen për të mbyllur dhe për të hapur tregun, merret në nivel rajonal, në nivelin e qarkut. Ka pasur një diskutim me prefektin. I takon komisionit të Emergjencës civile, që drejtohet nga prefekti i qarkut. Në emergjencë civile si lejohet askujt me kokën e vet.
Kam qenë prefektë vet. Kemi pasur diskutim për menaxhimin. Planin e masave e kemi hartuar me komisariatin e policisë. Policia bashkiake ka detyrën e orientimit dhe kontrollit. Këto gjëra bëhen bashkërisht. Njerëzit e varfër blejnë më shumë ne Shkodër. Ata janë në nivel të rënduar ekonomik. 500 veta kanë hyrë sot në treg. I kam matur shifrat. Kemi pasur njerëz që kemi kthyer në shtëpi. Është detyra jonë”, tha Voltana Ademi.
Discussion about this post