Plot 11 persona janë arrestuar sot nga policia italiane me akuzën e trafikut ndërkombëtar të drogës përmes Shqipërisë, Italisë e Gjermanisë. Policia italiane bëri me dije përmes një deklarate për shtyp, se kjo organizatë kriminale me anëtarë shqiptarë e kishte bazën në komunën e Pratos në provincën e Firences.
Mediat italiane shkrujanë se kreu i bandës është 32 vjeçari i quajtur Besmir Shenaj, i njohur ndryshe si Mësohet se Shenaj kishte banuar për disa vite në Itali dhe ishte i njohur nga forcat e rendit për vepra të ndryshme penale të lidhura me botën e drogës.
Shqiptarët Edmond Ferzaj, Bruno Haxhiraj, vëllezërit Arber e Alkens Çarçani ( 33 e 31 vjeç) e korrierët Vladimir Skendo (56 vjeç) e Shpresim Heta (34 vjeç), të gjithë me origjinë nga Vlora ishin referues të Shenajt për tregun italian të drogës.
Ndërkohë janë arrestuar vëllezërit Arber e Alkens Çarçani, banues në komunën Dicomano, shtetasi maroken Mazzi Soufiane, (30 vjeç e banues në Prato) e italiani Angelo Riccardi (38 vjeç banues në Borgo San Lorenzo.
Pas këtyre arrestimeve që janë kryer në Itali, në bashkëpunim me policinë shqiptare e gjermane janë arrestuar mëpastaj në Vlorë edhe Besmir Shenaj, Bruno Haxhiraj, Shpresim Heta e Vladimir Skendo.
Ndërkohë shqiptarë të tjerë, po anëtarë të këtij grupi kriminal janë shpallur në kërkim. (D.D/Shuplaka)
Discussion about this post