Treni me motive provokuese i nisur nga Serbia drejt Kosovës u kthye në temë të ditës së komunikimit në media tv palëve serbe dhe kosovare gjatë ditës së djeshme. Presidenti i Republikës së Kosovës, Hashim Thaçi, përmes një postimi në Twitter ka thënë se shpreson që Serbia ka marrë një leksion, kur bëhet fjalë për provokimet.
Reagimi i Thaçit ka ardhur pas veprimeve të djeshme të autoriteteve serbe të cilat e kishin nisur një tren në drejtim të Kosovës me mbishkrime provokuese, dhe ndalesës së bërë nga autoritetet në Kosovë.
”Hope lessons are learned from this provocation. Good neighbours don’t intrude w/ extremist projects, they dialogue”.
”Shpresoj se leksioni u kuptua nga ky provokim. Fqinjët e mirë nuk ndërhyjnë me projekte ekstremiste, ata dialogojnë”, ka shkruar Thaçi në Twitter. (E.K/SHUPLAKA)
Discussion about this post