Ish-Ministri i Transportit dhe i Postë-Telekomunikacionit, Fatmir Limaj ka reaguar në profilin e tij në Facebook në lidhje me trenin serb qe vjen nga Beogradi në Mitrovicë me simbole nacionaliste serbe duke e quajtur dështim i qeverisë së Kosoves në kontrollin e kufirit Kosovë-Serbi.
Limaj thekson se këto provokime janë deshtim i bisedimeve aventureske e të papërgjegjshme që ka bërë qeveria e Kosovës deri më tani.
Statusi:
Treni me mbishkrimin në të: Kosova është Serbi, i cili po pritet të vijë sot nga Beogradi në Mitrovicë nuk është linjë transporti, por ky tren tashmë edhe në mënyrë simbolike po i sjell rezultatet e deritanishme të bisedimeve avantureske e të papërgjegjshme që i ka bërë qeveria e Kosovës. Ardhja e këtij treni na tregon se qeveria e Kosovës nuk kontrollon kufirin Kosovë-Serbi dhe nuk është e zoja as ta ndal këtë tren. Qyetarëve të Kosovës edhe njëher po ju bëhet me dije se udhëheqja aktuale shtetërore nuk është në gjendje që ta mbroj vendin. (A.T/Shuplaka)
Discussion about this post