Pvarësisht se Metz i bëri për shumë minuta rezistencë ku pjesa e parë përfundoi në barazim 1-1, ekipi ku aktivizohet mrojtësi i kombëtares shqiptare Ivan Balliu, nuk e përballoi dot forcën e PSG-së të cilët kishin hedhur në fushë që nga fillimi dy blerjet më të shtrenjta të historisë së futbollit, Nejmar dhe Mbape.
Kavani kaloi PSG-në në avantazh në minutën e 31-të, ndërkohë që Riviere barazoi shifrat në minutën e 37. Në minutën e 59 Mbape shënoi golin e parë me fanellën e parisienëve duke debutuar në mënyrën më të mirë. 10 minuta më vonë ishte Nejmar dhe thelloi avantazhin, ndërsa Kavani shënoi golin e dytë personal në minutën e 75-të. Lukas vulosi rezultatin 1-5 në minutën e 87.
Parisi ndodhet në krye të tabelës së klasifikimit me 15 pikë. Por ajo që ran ë sy ishte një lojë e mirë e dy blerjeve më të rej Neymar dhe Mbappe si edhe e Kavanit, dta dëshmuan një potencial të madh për të qenë një treshe e frikshme edhe për në Europë, ku pas largimit të Neymar nga Barcelona treshja më e fortë që luan në një skuadër është ajo e Realit të Madridit, Bale, Benzema Ronaldo (BBC) por që tani e tutje mund të konkurohet nga treshja e PSG-së, Neymar, Mbappe dhe Cavani.
(B.H/Shuplaka)
Discussion about this post