Shqipëria ka kampionin më të ri të Evropës në Kampionatin e Peshëngritjes që po zhvillohet në Rumani.
Sportisti Briken Çalja është shpallur kampioni i ri i Evropës. Ai ngriti 146 kg në shkëputje duke siguruar medaljen e artë.
Briken Çalja ngriti në fillim 141 kilogramë, më pas në provën e dytë 143 kilogramë. Prova e tretë ishte edhe ajo që i dha medaljen e artë, ku Çalja ngriti 146 kilogramë.
Ndërsa në stilin e shtytjes, Çalja ngriti 171 kilogramë ndërkohë, në stilin shtytjes. Në provën e dytë, ai nuk arriti t’i ngrinte 175 kilogramët.
Ndërkohë që arriti t’i ngrinte plot 175 kilogramët në provën e tretë duke u shpallur kështu kampion Evrope edhe në stilin e shtytjes.
Jo vetëm kaq por Briken Çalja u shpall kampion europe edhe në dygarësh, duke siguruar kështu tre medalje të arta për Shqipërinë.
(E.L/Faxweb)
