Deputeti i Partisë Demokratike, Tritan Shehu, ka reaguar pas deklaratave të kryeministrit Rama ditën e djeshme, i cili duke iu referuar ngjarjes së Bularatit u shpreh se shtetasit grek që bënë thirrje raciste, tani do të mendohen mirë para se të bënin veprime të tilla.
“Shumë prej tyre nuk do të hyjnë dot më në Shqipëri, të tjerët do të mendohen mirë nëse do të vinë përsëri dhe kush thotë se për atë përçudnim të ceremonisë mortore fajin e paskësh varreza e ushtarëve të rënë gjatë luftës italo-greke, duhet të vizitohet, nuk është mirë”, deklaronte Ramë mes tjerash.
Por përmes një postimi në rrjetet sociale Tritan Shehu ka ironizuar kryeministrin duke shkruar se “Trimerine mbas lufte e urtesine mbas kuvendit s’e ha as qeni”!
Deputeti demokrat shprehet se edhe në këtë rast ashtu sin ë 5 vite të marrëdhënieve me Greqinë, “Rilindja” nuk ka demonstruar as trimëri apo urtësi, “pikerisht kur duhej njera apo tjetra”.
Postimi i plotë:
“Trimerine mbas lufte e urtesine mbas kuvendit s’e ha as qeni”!
Mu kujtua kjo fjale e urte e Kurveleshit duke degjuar dje Kryeministrin te ngrihet perseri ne rolin e te “ fortit” gjate oshilacioneve te tij ndaj ngjarjeve te shemtuara e te rrezikeshme te Bularatit.
Ashtu si ne te gjithe trajektin pese vjecar te maredhenieve te Rilindjes me Greqine edhe ne keto ngjarje te fundit ne asnje rast nuk u demostrua “trimeri apo urtesi” pikerisht kur duhej njera apo tjetra.
Ne pese vite u luajt roli i te “ fortit” atehere kur duhej mencuri e urtesi per te shtyre me perpara maredheniet shume te mira e strategjike midis dy vendeve tona, duke i shkaterruar qellimshem ato.
U “kapitullua” atehere kur duhej qendruar e negociuar si dy partnere te barabarte per te arritur ne mareveshje dinjitoze e te vlefeshme.
U zhvillua keshtu ne kete hark kohor nje inkoherence larg interesave te vendit e Rajonit, qe vecse te fut ne nje spirale ngjarjesh e provokacionesh te rrezikeshme.
E njejta “déjà vu” edhe me qendrimet e deklaratat teatrale kryeministrore per dinamiken e cfare ndodhi ato dite ne Bularat; gjithmone jashte kohe e kontekstit.
Perfundimi: “Nje verre ne uje” sic thuhet, vetem kakofoni e thellim i konfuzionit politik e te qendrimeve.
Ndersa dje kanosja e tij: “Provoni te kaloni edhe nje here nga lagja ime, me gure do ju ndjekim”, me kujtoi femijerine!
(B.H/Faxweb)
