Tritan Shehu demaskon Edi Ramën, si gënjeu kryeministri për “kryetarin” e PD-së në Nivicë

Tritan Shehu demaskon Edi Ramën, si gënjeu kryeministri për “kryetarin” e PD-së në Nivicë.

Ditën e  djeshme siç është bërë zakon kryeministri Rama publikoi një video në rrjetet e tij sociale. Nga vizita në Tepelenë ai kishte shkëputur bisedën me një banor të Nivicës duke thënë se ai ishte dhe kreu i PD-së në këtë zonë.

Kjo e gjitha për të shtuar rëndësinë e faktit se personi në fjalë kërkonte që në zgjedhjet e 25 Qershorit të votohej Partia Socialiste.

Mirëpo menjëherë pas kësaj videoje që u bë lajm edhe në televizionet kombëtare, ka reaguar kandidati i PD-së për deputetë në Gjirokastër, Tritan Shehu.

Ai ka sqaruar se prej kohësh në Nivicë kryetar është Ladi Bana dhe jo personi që shfaqet në video. Shehu i bën thirrje kryeministrit që ti lërë këto shaka pa kripë dhe të fokusohet te Partia e tij.

“Z.Rama vazhdon me “shakatë” e tij pa kripë në krah të disa bufonëve. Në Nivicë të Tepelenës prej kohësh drejtues i PD-së është Z.Ladi Bana. Z. Rama le të emëroje kryetarët e PS, ata të PD ka se kush i zgjedh! Nuk është serioze për një Kryeministër një “show” i tillë aspak dinjitoz!”, shkruan Shehi.

(E.K/SHUPLAKA)