Deputeti i PD-së për qarkun e Gjirokstrës Tritan Shehu, ka qenë i ftuar në emisionin “Natën me Xhaxhiun”, ku ka shprehur mendimin e tij lidhur me rezultatin e zgjedhjeve të 25 qershorit.
Më tej Shehu renditi edhe arsyet pse 200 mijë shqiptarë e braktisën PD-në në këto zgjedhje.
“Ka arsye që lidhen me probleme të PD, të energjisë në fushatë, të organizimit pavërësisht se kishim një program të shkëlqyer. Rama s’kishte program, vetëm tallej me njerëzit. Keqpërdorimi i administratës, shitblerja e votës dhe terrorizimi nga kanabisi bënë që zgjedhjet t’i fitonin PD. Nga marrëveshja Rama-Basha, PD doli e fituar, sepse mori 7 ministra teknikë”, u shpreh Shehu.
Ndërkohë më herët deputeti u pyet për komentin e Jozefina Topallit, dhe tha që “ata që mbështesin Bashën nuk kanë lidhje me PD”, madje shtoi se Partia Demokratike duhet t’i lërë mënjanë këto ndasi.
“Unë nuk e di se kush mbështet Bashën, kush Selamin, unë kam respekt për të gjithë brenda PD. Dua të gjithë të jemi sëbashku. Të gjithëve na bashkon një gjë më e madhe se ajo që na ndan në këto momente,” tha deputeti. (S.SH/Shuplaka)
