Është vënë në pranga autori i dyshuar për eksplozivin e vendosur dy ditë më parë në derën e banesës të shtetasit 43-vjeçar me iniciale D. T. në Fushë-Krujë.
Policia e Lushnjes ka arrestuar shtetasin Leonard (Miri) Çopani, ndërkohë që vijon puna për kapjen e personave të tjerë të shpallur në kërkim. Eksplozivi i vendosur dy ditë më parë në banesën e 43-vjeçarit mendohet se ka ardhur pas një konflikti pronësie mes dy personave.
Informacioni paraprak i policisë më 1 qershor:
Specialistët për Krimet në Komisariatin e Policisë Krujë kanë filluar procedimin penal dhe po punojnë për kapjen e shtetasit:
• L.Ç. 32 vjeç, banues në Fushë –Krujë.
Më datë 01.06.2017, rreth orës 03:20, për motive pronësie, në Arrameras, ka vendosur dhe ka shpërthyer një sasi e vogël lënde plasëse artizanale, në murin rrethues të banesës së shtetasit D.T. 43 vjeç.
Për pasojë janë shkaktuar dëme të vogla materiale. Gjatë kqyrjes së vendit të ngjarjes janë gjetur dhe sekuestruar në cilësinë e provës materiale një fitil zjarrpërcjellës 16 cm dhe një qese plastike me ngjyrë të verdhë. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale “Shkatërrimi i pronës me eksploziv”dhe ‘Prodhimi dhe mbajtja pa leje e armëve luftarake dhe e municionit”parashikuar në nenet 152 dhe 278/2 të Kodit Penal.
(XH.A/SHUPLAKA)
