Tritoli në banesën e gjyqtarit, Dhoma e Avokatisë së Shkodrës: Cenim i sigurisë

Dhoma e Avokatisë në Shkodër ka reaguar pas vendosjes së tritolit në oborrin e banesës së gjyqtarit Tonin Sterkaj në Shkodër. Kreu i kësaj dhome, Anton Kosteri, tha se kjo ngjarje është cënim real i integritetit të shtetit dhe nivelit të sigurisë publike në qytetin tonë, ndërsa cënon rëndë pavarësinë e gjyqësorit.

Kosteri tha se Dhoma e Avokatisë Shkodër kërkon zbardhjen e ngjarjes dhe vendosjen para përgjegjësisë penale të autorëve të ngjarjes. Sipas tij, drejtësia nuk mund të kërkohet nëpërmjet padrejtësisë.

Lidhur me këtë ngjarje, mësohet se policia e Shkodrës ka shoqëruar në komisariat 3 persona, të cilët janë marrë në pyetje dhe më pas janë lënë të lirë. Nga ana tjetër, bëhet me dije se dera e banesës së Stërkajt ruhet nga punonjës të policisë.