“Në vend të Adelës” ishte projekti humanitar që i është dedikuar ndarjes nga jeta të banores së Big Brother Adelajda Xhamani.
Projekti në fjalë, një koncert muzikor, ku paratë e biletave do të shkojnë për një vajzë që si Adela ka dëshirë të shkollohet dhe të jetojë në Tiranë .
Prezantuesja e këtij projekti Arbana Osmani, gjatë një fjalës së saj tregoi momentet se si e njohu Adelajdën, pak para se të bëhej pjesë e shtëpisë së “Big Brother”.
“E kam njohur Adelën dy netë përpara se të futej në shtëpinë që do të kthehej më e ndjekura në Shqipëri, Big Brother. Trokita në dhomen e hotelit dhe pashë vajzën më të bukur që kisha takuar ndonjëherë në ekranet shqiptare dhe më të friksuar. Adela dridhej dhe më thoshte: “Ti nuk e ke idenë se nga vijë unë, nuk e ke idenë se çfarë po bëj unë’. Në atë frikën e saj të madhe fshihej një guxim për të ndryshuar jetën, për të lënë pas jetën që kishte dhe për të nisur një të re që dëshironte”, tha Arbana Osmani.
