Një lajm aspak i mirë vjen nga bota e sportit në vendin tonë. Peshëngritësja Romela Begaj ka dalë pozitive në testin e dopingut.
E shpallur kampione bote një muaj më parë, sportistja ka rezultuar pozitive me doping.
Lajmi ka mbërritur në Federatën Shqiptare të Peshëngritjes që ditën e premte, por ende nuk është bërë zyrtar, shkruan ‘’Tch”.
Romela Begaj shkëlqeu në Botërorin e Anahajmit në Kaliforni, duke fituar titullin në shkëputje, ndërsa doli nënkampione në dygarësh. Ky ishte dhe rezultati më i mirë i marrë ndonjëherë nga një peshëngritës kuqezi.
Nëse gjithçka rezulton deri në fund pozitive, kampionia shqiptare do të humbasë edhe titullin. E njëjta situatë është paraqitur me sportisten edhe në vitin 2014 kur ajo u pezullua për pak kohë nga garat.
(E.K/FAXWEB)
