Lajmi është konfiruar nga vetë ekipi përmes një reagimi në faqen zyrtare ndërsa mësohet se bëhet fjalë për 14-vjeçarin Christian Minchola Sanchez, i cili ishte pjesë e ekipit të të rinjve të Atletiko Madridit.
Sikur mos mjaftonte paralizimi i gjithë globit nga koronavirusi, ngjarje e rëndë ka tronditur sot futbollin me vdekjen e adoleshentit ndërsa ende nuk ka një sqarim mbi arsyen e ngjarjes së rëndë.
Djaloshi luante për të rinjtë e Atletikos dhe klubi madrilen ka njoftuar ditën e sotme se ai ka ndërruar jetë.
Të gjithë nga klubi kanë shprehur ngushëllimet e tyre për familjen e 14-vjeçarit, në këtë moment shumë të vështirë me të cilin ata duhet të përballen.
“Ne jemi të tronditur nga lajmi i trishtuar i vdekjes së lojtarit tonë dhe ndjejmë thellësisht keqardhje për humbjen e tij. Atlétiko Madrid dhe e gjithë familja jonë do të jenë pranë familjes dhe miqve të Kristianit në këto momente dhimbjeje”,shkruhet në njoftimin e klubit.
(F.GJ/FAXWEB.AL)
Discussion about this post