Një tjetër shpërthim është shënuar së fundmi sërish në qytetin rus Shën Petërburg, që renditet si qyteti i dytë më i madh në Rusi.
Mësohet se objekti i këtij shpërthimi është bërë një apartament, ndërkohë që ende nuk ka informacione mbi shkaqet e shpërthimit.
Ekipet e shpëtimit kanë mbërritur menjëherë në vendngjarje. Mësohet se policia lokale ka kryer evakuimin e banorëve të pallatit. Ngjarja ka ndodhur pranë vendit ku policia gjeti më parë eksploziv.
Nga të dhënat e deritanishme, ekipet e shpëtimit shprehen se nuk ka të lënduar, por është dëmtuar vetëm një makinë. Nuk ka informacione nëse bëhet fjalë për një akt terrorist, por dyshimet ekzistojnë.
Ky shpërthim vjen veç atij të dy ditëve më parë në një metro të këtij qyteti që shkaktoi rreth 14 viktima dhe dhjetëra të plagosur. Hetimi mbi atë shpërthim është ende në proces.
(XH.A/SHUPLAKA)
Discussion about this post