Të shtëna me armë zjarri janë shënuar pak momente më parë në një beach bar në zonën e Radhimës, ku burime bëjnë me dije se dyshohet për persona të plagosur.
2 autoambulanca janë nisur në drejtim të Radhimës, ndërkohë që ende nuk dihen detaje nga ngjarja e rëndë.
Ngjarja ka tronditur të gjithë pushuesit e pranishëm, ndërsa shumë prej tyre janë larguar me urgjencë nga zona e plazhit.
Në momentin e të shtënave ka pasur një numër të madh pushuesish të pranishëm.
Njoftimi i policisë:
Sot, rreth orës 12:30, në Radhimë, në afërsi të plazhit, në rrethana ende të paqarta, dyshohet se një shtetas ende i paidentifikuar, ka qëlluar me armë zjarri.
Po kryhen verifikime nga shërbimet e Policisë, nese ka persona të dëmtuar.
Janë ngritur pika kontrolli dhe vijon krehja e zonës për kapjen e autorit.
