Tërmeti me magnitudë 4.7 ballë i shkallës Rihter që përfshiu pasditen e djeshme jugun e vendit, ka shkaktuar dëme të konsiderueshme. Duke iu referuar një portali online, mësohet se në Urën Vajgurore janë dëmtuar 3 banesa, ndërsa në fshatin Allambres të Kuçovës 2 të tlla.
Bilanc i rëndë është shënuar në fshatin Magjatë, për shkak se lëkundjet kanë shkaktuar dëmtimin e 6 banesave. 2 të tjera janë dëmtuar në Luman. Dëme të konsiderueshme raportohen edhe në Berat, ku banesat kanë pësuar plasaritje.
Sipas Institutit të Gjeoshkencave, Energjisë, Ujit dhe Mjedisit (IGJEUM), tërmeti u ndje në Vlorë, Fier, dhe Berat, ndërsa epiqendra ka qenë 7 kilometra nga Ura Vajgurore, 15 kilometra nga qyteti i Beratit dhe 61 kilometra nga Tirana, me një thellësi 3 kilometra. (XH.A/SHUPLAKA)
