Shefi i Departamentit të UEFA-s për Integritetin dhe Disiplinën, Emilio Garcia, ka pranuar sot se së shpejti Skënderbeu mund të përballet me masa të mirëfillta disiplinore, pasi ata të dhëna me përjashtimin 1-vjeçar nga Champions League ishin vetëm paraprake.
“Organet disiplinore të UEFA-s po marrin në konsideratë masa disiplinore të vërteta”, tha ai në një panel kundër manipulimit të ndeshjeve në Konventën Ndërkombëtare të Sportit, citon “Panorama”.
Ai shpjegon se çështja kishte filluar me dyshimet e UEFA-s mbi dyshimet për manipulimin e dy kualifikuesve të Ligës së Kampioneve dhe dy ndeshjeve të fazës në grupe të Europa League.
“Kjo ishte hera e parë kur ne ishim të aftë të tregonim para KAS një seri të gjatë raportimesh. Shifrat nuk gënjejnë dhe luhatjet e basteve gjithashtu”, shtoi ai duke shpjeguar se gjyqtarët e KAS pranuan se monitorimi i basteve është “një evidencë e besueshme”, është shprehur Garcia.
Discussion about this post