Trump akuzon ”Facebook” se ka punuar kundër tij, si i përgjigjet Mark Zuckerberg

Presidenti amerikanë në një postim në ‘’Twitter” pak ditë më parë shkruante se rrjeti social i ‘’Facebook”-ut ka qenë përherë kundër tij.

Mirëpo i menjëhershëm ka qenë reagimi i themeluesit të Facebook, Mark Zuckerberg, i hodhi poshtë komentet e bëra nga presidenti i Shteteve të Bashkuara.

Trump bëri të njëjtin vlerësim edhe për gazetat New York Times dhe Washington Post. Facebook do të dorëzojë së shpejti mbi 3,000 reklama politike te hetuesit e kongresit, të cilët po hetojnë ndërhyrjen e dyshuar të Rusisë në zgjedhjet presidenciale në SHBA, vitin e kaluar.

Facebook beson se reklamat mund të jenë blerë nga njësite ruse gjatë dhe pas garës presidenciale.
Duke iu përgjigjur kritikave të Trumpit, me një postim në Facebook, Zuckerberg mohoi se ka anuar dhe tha se ka bërë përpjekje të krijojë “një platformë për të gjitha idetë”.

Zuckerberg tha se edhe liberalët në SHBA e kanë akuzuar për krijimin e mundësive për fitoren e Trumpit në zgjedhje.

Ai premtoi se Facebook “do të vazhdojë të ndërtojë një komunitet për të gjithë njerëzit” dhe se “do të jetë kundër vendeve që bëjnë përpjekje të përhapin keqinformimin dhe të përmbysin zgjedhjet”.
Postimi i Zuckerbergut ka tërhequr 164 mijë “pëlqime” vetëm brenda pak orëve.

(E.K/SHUPLAKA)