Presidenti i Shteteve të Bashkuara të Amerikës, Donald Trump, nuk i ka kursyer sot akuzat ndaj mediave në SHBA, duke kryqëzuar konkretisht disa prej tyre. Prej mëngjesit, ai ka postuar shumë shpesh në llogarinë e tij, duke shigjetuar përveç mediave edhe administratën e Obamës, Hillary Clintonin, NSA dhe FBI-në.
“Informacionet janë duke u dhënë në mënyrë të paligjshme “New York Times” dhe “Washington Post” nga Komunitetet e Inteligjencës (NSA dhe FBI)?!”, shkruan ai në njërin postim, për të vijuar me një tjetër të publikuar pak më parë: “Mediat janë duke u çmendur me teoritë e tyre konspirative dhe urrejtjen e verbër. ”MSNBC” dhe “CNN” nuk shihen me sy.”Fox and Friends” është i madh.”
Trump është ndalur edhe tek aneksimi i Krimesë nga Rusia gjatë qeverisjes së Barack Obama në SHBA: “Krimea u pushtua gjatë administratës së Obamës. Mos ishte Obama shumë i butë me Rusinë?”. (XH.A/SHUPLAKA)
Discussion about this post