Presidenti i Shteteve të Bashkuara të Amerikës, i cili jo më larg se dy ditë më parë shprehu dëshirën për rritjen e arsenalit bërthamor të SHBA-ve, ka deklaruar së fundmi synimin për t’i akorduar një buxhet gjigand ushtrisë.
Ai ka theksuar se nevojitet një buxhet gjigand për ushtrinë, qoftë në sulm apo mbrojtje, me qëllim për ta bërë më të fortë. Por, Presidenti i SHBA-ve ka nënvizuar se shpreson që të mos jetë nevoja të përdoret.
“Ne do të kërkojmë një buxhet gjigant për ushtrinë tonë të dashur. Dhe ne do të përmirësojmë ndjeshëm të gjithë ushtrinë tonë. Të gjithë ushtrinë. Në sulm dhe në mbrojtje. Të gjithë. Më të madhe, më të efektshme dhe më të fortë ndonjëherë. Por shpresoj që nuk do të kemi kurrë nevojë ta përdorim. Por askush nuk duhet të na kërkojë për rrëmujë, miq. Askush! Ne besojmë tek paqja me forcë. Kjo bën pjesë tek premtimi im për të risjellë sigurinë për amerikanët.”, u shpreh Donald Trump përpara konservatorëve amerikanë të mbledhur në takimin e tyre të madh vjetor në Washington. (XH.A/SHUPLAKA)
