Presidenti amerikan Donald Trump tha se do të emërojë një ish-zyrtar të Departamentit të Drejtësisë si drejtor të Byrosë Federale të Hetimeve (FBI).
Trump tha me anë të një komenti në Twitter se personi që do të emërojë në këtë post, avokati Christopher Wray, ka kredenciale të shkëlqyera.
Christopher Wray është pjesë e një liste ish-prokurorësh, politikanësh dhe zyrtarësh ligjzbatues të intervistuar nga Trump, që kur presidenti shkarkoi drejtorin e FBI-së James Comey muajin e kaluar.
Wray ka përfaqësuar guvernatorin e Nju Xhersit Chris Christie gjatë hetimeve rreth çështjes së mbylljes së korsive në Urën George Washington. Dy ish-ndihmës të zotit Christie u shpallën fajtorë se ishin përpjekur të mbyllnin korsitë e urës për të ndëshkuar një kryebashkiak demokrat, shkruan VOA.
Wray ka punuar për Departamentin e Drejtësisë nën presidentin Xhorxh W. Bush.
(M.D/Shuplaka)
Discussion about this post