Presidenti Trump ka emëruar ditën e sotme, këshilltarin e ri të Sigurisë Kombëtare, Robert C. O’Brien.
O’brien zëvendëson zotin John Bolton i cili dha dorëheqjen nga ky post javën e kaluar.
O’Brien është i dërguar presidencial për çështjet e pengjeve në Departamentin e Shtetit dhe ka një karrierë të gjatë në qarqet republikane të politikës së jashtme.
Presidenti Trump e bëri njoftimin në Twitter, menjëherë pasi shpalli se do të rrisë në mënyrë të ndjeshme sanksionet kundër Iranit.
