Presidenti i ri i Shteteve të Bashkuara të Amerikës, Donald Trump ka rrëfyer për herë të parë arsyet se pse përdor rrjetin social Twitter për të komunikuar me qytetarët.
Gjatë një interviste për Fox News, Trump është shprehur do vazhdojë të publikojë në Twiiter pasi nuk i beson mediave.
“Shikoni, mua nuk më pëlqen të postoj në Twitter sepse kam gjëra të tjera për të bërë, por kam përvojë me media shumë të pandershme, me shtyp shumë të pandershëm, prandaj kjo është mënyra e vetme për mua që të kundërveproj”, ka thënë Trump.
Donald Trump, që nesër bën betimin zyrtar si president, ka rreth 20 milionë ndjekës në Twitter. (A.R/SHUPLAKA)
Discussion about this post