Ndërsa e ka ftuar Merkelin që të vizitojë shumë shpejt Uashingtonin, Presidenti amerikan, Donald Trump ka pranuar ftesën e kancelares gjermane për të marrë pjesë në samitin G20 në Hamburg, që do të mbahet në Korrik të këtij viti.
“Presidenti dhe Kancelarja ranë dakord mbi rëndësinë themelore të NATO-s për marrëdhënie më të gjera transatlantike dhe rolin e saj në sigurimin e paqes dhe stabilitetit”, thuhet në njoftimin e Shtëpisë së Bardhë.
Gjatë një bisede telefonike që zhvilluan sëbashku, Trump dhe Merkel ranë dakord që të gjithë anëtarët e Aleancës të paguajnë pjesën e tyre të kostos së sigurisë kolektive.
