Shtëpia e Bardhë ka njoftuar se presidenti Donald Trump dhe presidenti në detyrë i Koresë së Jugut, Hëang Kyo-ahn janë zotuar për të fuqizuar mbrojtjen e përbashkët kundër rivalit verior të Seulit, gjatë një bisede telefonike.
“Presidenti Trump e ka përsëritur përkushtimin e hekurt për mbrojtje (të Koresë Jugore)…duke shfrytëzuar masa të tëra të mundësive ushtarake”, tha Shtëpia e Bardhë duke njoftuar për bisedën telefonike të 29 janarit.
“Të dy liderët janë pajtuar për të ndërmarrë masa për fuqizimin e mundësive të përbashkëta të mbrojtjes kundër kërcënimit koreano verior”, ka shtuar më tej Shtëpia e Bardhë.
Shumë në Azi kanë shprehur shqetësim rreth përkushtimit të Trumpit ndaj aleatëve tradicional në këtë rajon.
Gjatë fushatës zgjedhor, Trump është kërcënuar të tërheq forcat amerikane nga Koreja Jugore dhe Japonia nëse ato nuk do të rrisnin shpenzimet për mbrojtjen e tyre. (E.K/SHUPLAKA)
Discussion about this post