Presidenti i ri i SHBA-ve, Donald Trump, ka vendosur të jetë i ashpër me ata njerëz apo vende që nuk u binden urdhrave të tyre.
Të gjitha ato shtete apo “qytete të shenjta” në Shtetet e Bashkuara të Amerikës që do të vazhdojnë të mbrojnë emigrantët e ligjshëm, “do të përballen me hakmarrjen e Trump”. Presidenti ka vendosur për këto shtete t’u heqë disa fonde federale.
Ky lajm u komunikua nga Prokurori i Përgjithshëm i SHBA-së, Jeff Sessions. Në listë përfshihen ndër të tjera edhe San Francisco, Nju Jork, Kalifornia.
“Ligjet e emigracionit janë për të mbajtur qytetarët të sigurt. Ne nuk mund të mbrojmë kriminelët”, u shpreh Sessions.
Me përjashtimin e këtyre fondeve, janë në lojë miliarda dollarë që mund të dëmtojnë funksionimin e shumë zonave metropolitane. Qëndrimi vlen edhe për aksesin në shërbimet shëndetësore, sociale dhe arsimore për të miturit.
(XH.A/SHUPLAKA)