Presidenti i ri i Shteteve të Bashkuara të Amerikës, Donald Trump ka deklaruar sot se projekti për murin me Meksikën nuk është harruar dhe se do të ndërtohet së shpejti. Ai madje ka thënë se muri mes SHBA dhe Meksikës do të ndërtohet më shpejt nga sa ishte menduar.
Trump po ashtu ka deklaruar se amerikanët nuk duhet të shqetësohen pasi ata janë të parët për të.
Këto deklarata Trump i ka bërë në Konferencëen Vjetore të Lëvizjes Konservatore.
Trump e kishte premtuar murin me Meksikën që në fushatën zgjedhore. Kritikë të tij e kishin quajtur një mënyrë e tij për të tërhequr më shumë elektoratin konservator.
Muri ka për qëllim që të ndalojë emigracionin e paligjshëm nga Meksika në SHBA por edhe kundër trafikut të drogës që në atë rajon është shumë prezent.
Ndërkohë, Udhëheqësi i Dhomës së Përfaqësuesve, Paul Ryan, ka thënë se kostoja e ndërtimit të murit me Meksikën, i propozuar nga presidenti Donald Trump, do të jetë nga 12 deri në 15 miliardë dollarë. Nuk dihet nëse çmimi për ndërtimin e murit do t’i shtohet deficitit apo Kongresi do të gjejë mënyra të tjera për ta mbuluar shpenzimin.
(M.D/ Shuplaka)
