Trump në ceremoninë hapëse në Washington: Do ta bëjmë Amerikën madhështore

Presidenti i ri i Shteteve të Bashkuara të Amerikës, Donald Trump, u shpreh në ceremoninë hapëse të inaugurimit për një Amerikë më të fortë.

Presidenti i 45-të i Amerikës ishte i pranishëm në koncertin pranë memorialit të Abraham Lincoln në Washington. Ceremonia që zakonisht zgjat rreth 20 minuta, kësaj here zgjati më pak.

Ajo u zhvillua pak orë pasi Trump dhe familja e tij mbërritën në Washington për ceremoninë kryesore të 20 janarit.

Në fjalimin e mbajtur përpara amerikanëve, ai u premtoi atyre ndryshimin: “Do të rindërtojmë ushtrinë.  do të forcojmë kufijtë. Do të bëjmë gjëra që nuk janë bërë për dekada të tëra. Do të ndryshojë. Ju premtoj  ndryshimin dhe ju pres nesër.”

Fjalimi u mbajt pas një dreke që Donald Trump zhvilloi në hotelin e tij në Washington, ku morën pjesë zyrtarë të procedurave të tranzicionit dhe stafi i ardhshëm që do të jetë pranë Trump në Shtëpinë e Bardhë. (XH.A/SHUPLAKA)