Presidenti i Amerikës, Donald Trump duke folur në konferencë për media së bashku me kancelaren gjermane, Angela Merkel e ka cilësuar imigrimin si privilegj.
“Imigrimi është privilegj dhe jo e drejtë. Siguria e qytetarëve tanë duhet të jetë primare. Duhet t’i mbrojmë qytetarët nga terrorizmi, shtetet duhet ta luftojnë këtë dukuri”, ka thënë Trump.
Ndërkohë që qëndronte në krah të Kancelares gjermane Angela Merkel, Presidenti Donald Trump iu drejtua atyre vendeve të NATO-s të cilat nuk bëjnë “një ndarje të drejtë” për mbrojtjen e tyre.
Ai tha se shumë vende i detyrohen “shuma të mëdha parash” detyrimeve të papaguara të organizatës.
“Këto kombe duhet të paguajnë borxhet”, tha Trump gjatë konferencës së përbashkët për shtyp mes dy liderëve.
Presidenti megjithatë shprehu mbështetje të fortë për aleancën e NATO-s, pasi ngriti pyetje rreth shërbimeve dhe rëndësisë që pati gjatë fushatës së tij zgjedhore.
Qeveria gjermane i ka ulur këtë vit shpenzimet për të rritur mbrojtjen e saj në NATO dhe do vazhdojë ta bëjë këtë gjë.
Trump shtoi gjithashtu se SHBA do të respektonte “institucionet historike” në atë që mund të ketë qenë një referencë për Bashkimin Evropian, i cili ka qenë gjithnjë i parë nga SHBA si një mburojë për sigurinë perëndimore, por për të cilën figura të larta në qeverinë e Trump kanë shprehur skepticizëm.
Në fjalën e saj, Merkel iu referua tensioneve të fundit me Trump, ndërkohë që përpiqet të ndërtojë një marrëdhënie të re me presidentin e tretë amerikan që ajo ka hasur si Kancelare gjermane.
“Është gjithmonë më mirë të flasim me njëri-tjetrin sesa për njëri-tjetrin,” tha ajo.
Ajo gjithashtu tha se ishte e lumtur për mbështetjen e Trump ndaj NATO-s dhe tha se Trump ishte angazhuar ndaj procesit të Minskut, i projektuar për të monitoruar një armëpushim në Ukrainë e udhëheqjen drejt një zgjidhjeje të mundshme të krizës.
Trump ka folur edhe për ligjin e kujdesit shëndetësor, duke e cilësuar si mjaft të nevojshëm për miratim.
(M.D/ Shuplaka)
