Presidenti Donald Trump ka hedhur dyshime nëse SHBA-ja do të vazhdojë me politikën e njohjes së një Kine të vetme.
Në një intervistë për “Fox News“, presidenti Trump u shpreh se nuk ka arsye që një politikë e tillë të vazhdojë nëse nuk do të ketë lëshime të rëndësishme nga ana e Pekinit. Qeveria amerikane ka lidhje zyrtare me Pekinin, por jo me ishullin e Tajvanit, të cilin Kina e konsideron si pjesë të territorit të saj.
“E di që SHBA ndjek politikën e një Kine të vetme, por nuk e kuptojmë pse duhet të vazhdojmë ta bëjmë këtë, përveçse në rastin nëse arrijmë një marrëveshje me Kinën“, tha Trump.
Presidenti i zgjedhur kujtoi se Kina nuk po bashkëpunonte me SHBA-në lidhur me menaxhimin e monedhës së saj, për Korenë e Veriut apo tensionet në Detin e Kinës Jugore. Mënjëherë pas kësaj deklaratë kanë reaguar mediat kineze.
“Global Times“e parlajmëron udhëheqësin e ri përmes një editoriali se politika e një Kine të vetme nuk mund të diskutohet. Provokimi i ri i Trumpit vjen pas telefonatës që manjati i pasurive të paluajtshme zhvilloi me Presidenten tajvaneze, duke nxitur një konflikt diplomatik e një protestë zyrtare nga ana e Pekinit. Asnjë president amerikan nuk kishte folur në mënyrë të drejtpërdrejtë me një lider tajvanez për dekada.
Por, në intervistën për “Fox News”, Trump tha se nuk nuk mund të diktohej nga Pekini lidhur me personat që do të kishte kontakt. Po kështu Trup ka deklaruar se janë qesharake konstatimet e CIA-s se hakerat rusë u përpoqën të ndërhynin në zgjedhjet amerikane për të favorizuar republikanin.
