Presidenti amerikan Trump, me anë të një postimi të publikuar në profilin e tij “Twitter”, pranoi se po hetohet për shkarkimin e ish-drejtorit të FBI-së, James Comey, në kuadër të hetimit më të gjerë për ndërhyrjen ruse në zgjedhjet e 8 nëntorit të vitit të shkuar.
Trump nga ana tjetër akuzon zëvendësprokurorin e Përgjithshëm për “gjueti shtrigash”.
“Po hetohem për shkarkimin e drejtorit të FBI-së, nga njeriu që më tha të shkarkoj drejtorin e FBI-së”, shkruan Trump.
Ky është pikërisht zv.prokurori i Përgjithëshëm, Rod Rosenstein, i cili shkroi një memorandum ku kritikonte Comeyn, gjë që u përdor si justifikim nga Shtëpia e Bardhë.
Pas mbarimit të zgjedhjeve të 8 nëntorit 2016, u hap një debat i madh në Amerikë për ndërhyrjen e Rusisë në procesin elektoral.
(M.D/Shuplaka)
