Presidenti amerikan i zgjedhur Donald Trump duket se nuk ka të ndalur me debatet e tij dhe polemikat që krijon në media. Pas sulmeve ndaj CIA-së, polemikave me Obamën, konflikteve të hapura ende pa marrë detyrën me Kinën, apo edhe të tjera situata, duket se rradha i ka ardhur NATO-s.
Ai e ka quajtur atë një institucion të dalë mode dhe të pavlefshme, pasi ka vite që është krijuar dhe nuk ka arritur ta luftojë dot terrorizmin.
Sigurisht që këto polemika mund të sjellin debate dhe në vetë vendet anëtare të NATO-s.
‘’NATO është një institucion i dalë jashtë mode sepse është krijuar para shumë vjetësh. Së dyti shtetet nuk kanë paguar aq sa duhet. Gjithashtu NATO nuk e ka luftuar terrorizmin’’, u shpreh ndër të tjera Trump. (E.K/SHUPLAKA)
Discussion about this post