Federata e Përgjithshme e Sindikatave të Koresë ka bërë thirrje se lufta e tretë botërore gjithnjë e më shumë po afrohet për shkak të armëve bërthamore.
Në deklaratën e kësaj sindikate thuhet se Kim Jong-un, në rast lufte, do të “godas ashpër SHBA-të dhe se subjektet e tij besnike do të luftonin deri në vdekje kundër ushtrisë së Trumpit, shkruan Dailystar.
Organizata përfaqëson më shumë se 1 milion persona të mbretërisë së Hermit dhe ka premtuar në mënyrë të përsëritur besnikërinë e saj ndaj Kim Jong-ut.
“Punëtorët e Koresë së Veriut janë plot entuziazëm për të furnizuar me shumë armë strategjike dhe pajisje ultra moderne të luftës, për t’u përballur me shpejtësi më të madhe dhe përfundimtare me SHBA-të”, thuhet në deklaratë.
Megjithatë pavarësisht se Trump tha se opsioni ushtarak nuk është opsioni i parë për SHBA-në, nëse kjo të ndodhte ai tha se do të jetë shkatërrues për Korenë e Veriut.
“Jemi plotësisht të përgatitur për opsionin e dytë, por s’është një opsion i preferuar”, tha Trump në një konferencë për mediat në Shtëpinë e Bardhë, duke iu referuar forcës ushtarake.
“Por nëse vendosim për këtë mundësi, do të jetë shkatërruese për Korenë e Veriut. Ky quhet opsion ushtarak. Nëse na duhet ta ndërmarrim këtë hap, atëherë ne do ta bëjmë këtë”, tha Trump.
Kujtojmë që tensioned janë rritur shumë së fundi mes SHBA-ve dhe Koresë së Veriut për shkak të aktivitetit bërthamor të vendit komunist.
Para pak kohësh dy raketa balistike të lëshuarë nga Koreja kaluan mbi territorin e Japonisë. (B.H/Shuplaka)
Discussion about this post