Presidenti i Amerikës Donald Trump ka paguar 130 mijë dollarë për të blerë heshtjen e një ish aktorje të filmave për të rritur. Lajmi u publikua nga Wall Street Journal, që shkruan se në Tetor të 2016-ës, vetëm një muaj nga zgjedhjet presidenciale, avokati i Michael Cohen, i ka paguar shumën aktores Stephanie Clifford, për të mos bërë publike një histori seksuale me Donald Trump.
Michael Cohen, avokati i Donald Trump ka arritur një marrëveshje me ish-aktoren e filmave për të rritur Stephanie Clifford në tetor të vitit 2016, një muaj para zgjedhjeve presidenciale në SHBA.
Pagesa është bërë më mënyrë që Clifford të mos fliste publikisht për një raport seksual mes saj dhe Donald Trump.
Vetë avokati i presidentit Trump i ka mohuar këto akuza duke i quajtur si lajm i rremë.
Gjatë kohës kur ishte kandidat, presidenti amerikan është akuzuar shpesh edhe për mizogjini, veçanërisht pas publikimit të videos ku ai bënte komente fyese ndaj grave. (M.Q/Faxweb)
Discussion about this post