Nuk ka nisur mirë ky vit i ri. Presidenti i SHBA, Donald Trump i është përgjigjur liderit të Koresë Veriore, Kim Jong Un në lidhje me butonin atomik.
Në një postim në twitter, Trump paralajmëroi Kim Jong un se edhe SHBA ka butonin atomik, madje më të madh dhe më të fuqishëm se Koreja e Veriut.
Gjatë fjalimit të tij vjetor me rastin e Vitit të Ri, Kim Jong Un ka tërhequr vërejtjen për atë që ai e ka quajtur “buton bërthamor” në tavolinën e tij dhe armatim, për të cilin ai pretendoi se mund të arrijë çdokund në Shtetet e Bashkuara.
Por tha se ai do ta përdorte atë vetëm nëse siguria e Phenianit është e kërcënuar.
Trump pyet ne shenimin e tij nëse dikush nga “regjimi i varfëruar dhe i uritur” i Kim mund ta “informojë atë që unë gjithashtu kam një Buton Bërthamor, por është një më i madh dhe më i fuqishëm se ai, dhe punon shumë mirë!”
Më parë gjatë ditës, Presidenti Donald Trump dukej i hapur për mundësinë e një dialogu ndër-korean pasi udhëheqësi i Koresë së Veriut Kim Jong Un bëri një hapje të rrallë drejt Koresë së Jugut në një fjalim të Vitit të Ri.
Por zyrtarët e SH.B.A.-së po shprehin gjithashtu skepticizëm për synimet e Kimit dhe përsëriten kërkesen që Veriu të heqë dorë nga nuklearet e saj.
Duke përdorur nofkën e tij të çuditshme për Kim, Trump thotë: “Njeriu raketë tani dëshiron të flasë për Korenë e Jugut për herë të parë. Ndoshta ky është një lajm i mirë, ndoshta jo – ne do të shohim!”
(E.K/FAXWEB)
