Në një konferencë për shtyp me Presidentin amerikan Donald Trump, Sekretari i Përgjithshëm i NATO-s, Mark Rutte, vlerësoi ndërhyrjen vendimtare të SHBA në konfliktin mes Iranit dhe Izraelit. “Ju jeni një njeri i forcës, por edhe një njeri i paqes,” u shpreh Rutte, duke e cilësuar si moment të rëndësishëm për botën arritjen e armëpushimit.
Rutte theksoi gjithashtu vendimin historik të aleatëve për të investuar 5% të PBB-së në mbrojtje deri në vitin 2035, duke e cilësuar këtë si fundin e epokës ku SHBA mbante peshën kryesore brenda Aleancës. “Ky është një hap i domosdoshëm për të financuar planet tona të mbrojtjes dhe për të ndarë barrën në mënyrë të barabartë,” tha ai.
